Бұл орталықтың ашылуы — халыққа медициналық көмектің қолжетімділігін арттыруға, тұрғындардың денсаулығын жақсартуға бағытталған мақсаттың нақты көрінісі. Жаңа медициналық мекеме Береке массиві мен оған іргелес аумақтардағы шамамен 3 000 тұрғынға медициналық қызмет көрсетуге арналған.

Орталықта 2 дәрігер, 4 учаскелік мейірбике, процедуралық мейірбике, акушер маманы, фельдшер және тіркеуші (регистратор) қызмет атқарады. Бұл мамандар тұрғындарға алғашқы медициналық көмекті қолжетімді әрі сапалы түрде көрсетуге мүмкіндік береді.

Орталықта келесі қызмет түрлері көрсетіледі:
алғашқы дәрігерлік көмек,
профилактикалық тексерулер,
диспансерлік бақылау,
созылмалы ауруларды анықтау және емдеу,
вакцинация,
ана мен бала денсаулығын қорғау.
Мекеме қызметінің негізгі басымдықтары — аурулардың алдын алу, ерте диагностика, халықтың денсаулық мәдениетін қалыптастыру және медициналық көмекті әр тұрғынға жақындату.

БМСКК «Шолдала» орталығы қажетті медициналық құрал-жабдықтармен қамтамасыз етіліп, білікті мамандармен жасақталған. Бұл орталық Береке массиві тұрғындарының денсаулығын нығайтуға және өмір сапасын арттыруға қызмет етеді деп сенемін.