N2 ҚЕ-да Алдын алу әлеуметтік психологиялық көмек көрсету бөлімінің қызметкерлері СӨС маманы С.А.Ыбырайымова, АББ медбикесі А.Устенова, психолог мамандар З.Е.Байдуллаева, А.Әбіковтың ұйымдастыруымен «Өз денсаулығыңды басқарып үйрен!» ұранымен ҮЗДІК ПАЦИЕНТ — 2023 байқауы ұйымдастырылып, өткізілді.
Байқаудың мақсаты: Пациенттеріміздің өз денсаулығына жауапты тұлға екендігін үйрету. Яғни, медицина қызметкерлерімен серіктес бола отырып, денсаулықтарын жақсартып, дұрыс тамақтанып, дене қимылымен айналысып, алғашқы көмек көрсету дағдыларын меңгеріп, денсаулығы нашарлаған кезде өзіне-өзі қалай көмек беретіндігі және асқынуларды қалай болдырмауға болатындығы бойынша толық меңгеру.
Бұл байқауда қатысушылар АББ-сы бойынша меңгерген білім деңгейлерін өзара сынасты.
Іс-шарамыз «Сөз атасы — сәлемдесу» демекші танысу тренингімен басталды.
Қатысушыларымыз викториналық сұрақтарға жауап беріп, үй жағдайында қан қысымы мен қандағы қант деңгейін өлшеу тәртібін тәжірибе жүзінде көрсетті.
Пациенттерімізді Сергіту сәті барысында психолог З.Байдуллаева тренингтер жүргізді.
«Көңілді сандар» ойын-жаттығуымен өмірлеріндегі қызықты сәттерді еске түсірді.
«Үзіліссіз көңіл-толқыны» тренингінде жақсы эмоцияларымен бөлісті.
Жеңімпаздар анықталып, мақтау қағаздарымен марапатталып, бағалы сыйлықтар тапсырылды.
Байқауға қатысушыларымыз АББ-сы өздеріне қатты ұнап, салауатты өмір сүру қағидаларын ұстанып, пайдалы кеңестер бергенін емхана әкімшілігіне, дәрігерлер мен медбикелерге деген алғыстарының шексіз екенін жеткізіп, жылы лебіздерін айтты.
«Ауырып ем іздегенше, ауырмайтын жол ізде!» деп іс-шарамызды қорытындыладық.