Тараз қаласының «Ауыл-Береке» базары аумағында N2 қалалық емхананың бас эпидемиологы М.Қ.Жасұзақ бастаған топ Жылжымалы медициналық кешен базасының медициналық екпе пунктінде Коронавирусқа қарсы вакцинация жасады.
Ерікті түрде екпе алуға келген барлық азаматтар ең алдымен дәрігер қарауынан өтіп, екпеден кейін 30 минут дәрігер бақылауында болды. Қала тұрғындарына «Qaz Covid-in» және «Спутник-V» вакцинасы туралы ақпарат беріліп, түсіндірме жұмыстары жүргізілді.Парақшалар мен бүктемелер таратылды. Екпе алушыларға келесі егу күні 21 күннен кейін екендігі айтылып, бұл туралы алдын-ала телефонға хабарлама жіберілетіндігі жөнінде ескертілді. Екпе алушыларды толғандырып жүрген сұрақтарына толық жауап берілді.